SƏDƏRƏK RAYONUNDA BƏRPA İŞLƏRİ BAŞA ÇATMIŞDIR
Azərbaycan Respublikasında Ərazilərin Bərpası və Yenidən Qurulması üzrə Agentlikdən AZƏRTAC-a verilən məlumata görə, Bərpa Proqramına uyğun olaraq beynəlxalq təşkilatların nəzarəti altında aparılan işlər tam şəffaf və ciddi rəqabət zəminində həyata keçirilmişdir. Bu isə vəsaitdən səmərəli istifadə olunmasına zəmin yaratmışdır. İslam İnkişaf Bankının ayırdığı kredit hesabına 1612 yerlik 7 orta məktəbin və Sədərək rayonunun 3 min hektardan çox ərazisini suvara biləcək üçpilləli nasos stansiyasının və 14 subartezian quyusunun bərpası başa çatdırılmışdır. Ərazidə Dünya Bankının krediti hesabına 75 yaşayış evi, yardımçı elektrik stansiyası, 10 subartezian quyusu, 20 kilometr uzunluğunda elektrik hava xətləri, içməli su üçün nasos stansiyası bərpa olunmuşdur.
Bölmənin digər xəbərləri
