SƏFİR CYOTİ SVARUP PANDE: ÖLKƏLƏRİMİZ ARASINDA MƏDƏNİ ƏLAQƏLƏR İNKİŞAF EDƏCƏKDİR
Hindistanda Azərbaycan mədəniyyətinə maraq böyükdür. Çox istərdim ki, Azərbaycanın mədəniyyət və incəsənət xadimləri Hindistana tez-tez səfər etsinlər. Çünki dünyəvi dəyərlərə malik mədəniyyət və incəsənəti tanıtmaq lazımdır. Yaxın zamanlarda burada kino festivalı keçirəcəyik. Üç il öncə Bakıda Rac Kapurun filmlərinin festivalı keçirilib. Amma bu il biz Hindistanda istehsal olunan digər filmləri nümayiş etdirəcəyik.
Mən Azərbaycan muğamını sevirəm və onunla dərindən maraqlanıram. Bir musiqiçi kimi deyirəm ki, Azərbaycan muğamı, musiqisi Hindistanın bəzi yerlərindəki musiqiyə çox bənzəyir. Amma onların intonasiya, səs çalarları bir-birindən olduqca fərqlidir. Bəlkə də bu, təsadüfdür. Lakin mən düşünürəm ki, Hindistandan gəlib Azərbaycan muğamına, musiqisinə qulaq assalar, hər iki tərəf özünə uyğun olan və bənzər məqamları tapa bilər. Məhz bu oxşar musiqilər üzərində düşünmək və nə isə yaratmaq olar. Mən qəlbən inanıram ki, ölkələrimiz arasında mədəni əlaqələr getdikcə inkişaf edəcəkdir.
Bölmənin digər xəbərləri
