Səfir: Həm Türkiyəyə, həm də Azərbaycana indi daha az su daxil olur
Bakı, 12 mart, AZƏRTAC
Hər il Bakıda irimiqyaslı sərgilər keçirilir. Qlobal istiləşmə, suyun vacibliyi baxımından Azərbaycanda bu cür tədbirin keçirilməsini önəmli addım kimi dəyərləndiririk. Su dünyada strateji məhsula çevrilməkdədir.
AZƏRTAC xəbər verir ki, bunu jurnalistlərə açıqlamasında Türkiyənin Azərbaycandakı səfiri Cahit Bağçı bildirib.
O, bütün dünyanın su qıtlığından əziyyət çəkdiyini əlavə edib.
"Həm Türkiyəyə, həm də Azərbaycana indi daha az su daxil olur. Yağışların miqdarına görə su azalıb. Ona görə də suyu daha ehtiyatla istifadə etməliyik. Su bizim üçün çox önəmlidir. Qida zənciri su ilə başlayır. Türkiyə həmişə olduğu kimi sərgidə Azərbaycandan sonra ən çox şirkətlə iştirak edən ölkədir", - deyə səfir vurğulayıb.
Bölmənin digər xəbərləri
