Şəhid ailələri daim dövlətimizin diqqət və qayğısı ilə əhatə olunmuşdur
Bakı, 20 yanvar (AZƏRTAC). Bütün şəhidlərimizin xatirəsini anmaq, onların müqəddəs ruhları qarşısında öz vətəndaşlıq borcumuzu qismən də olsa ödəmək bizim mənəvi borcumuzdur.
Bu sözləri Qarabağ şəhidi Rafiq Hacıyevin bacısı,18 nömrəli poliklinikanın tibb işçisi Gülarə Hacıyeva AZƏRTAC-a müsahibəsində demişdir.
Bildirmişdir ki, bu gün biz Şəhidlər xiyabanına gələrək bütün şəhidlərimizin xatirəsini yad etdik. Şəhidlərimizlə qürur duyuruq və onların müqəddəs məzarlarını ziyarət etmək hər bir azərbaycanlının mənəvi borcudur.
Qeyd etmişdir ki, torpaqlarımızın ərazi bütövlüyü və suverenliyi uğrunda şəhid olmuş qardaşım Rafiq Hacıyevin də xatirəsi dövlətimiz tərəfindən əbədiləşdirilmiş, paytaxt küçələrindən birinə onun adı verilmişdir.
Bölmənin digər xəbərləri
