Şəhidlər xiyabanı müstəqilliyimiz uğrunda canlarından keçmiş insanların əbədi uyuduğu müqəddəs məkandır
Bakı, 20 yanvar (AZƏRTAC). Şəhidlər ölmür, bu xiyaban isə müqəddəs ziyarətgahdır.
Bu sözləri yanvarın 20-də Şəhidlər xiyabanında qəhrəman Vətən övladlarının məzarlarını ziyarət edən 258 nömrəli məktəbin şagirdi Nərgiz İsmayılova AZƏRTAC-a müsahibəsində demişdir.
Bildirmişdir ki, Şəhidlər xiyabanına gəlməyi və şəhidlərimizin müqəddəs xatirəsini ehtiramla yad etməyi özünə borc bilir.
Şəhidlərin xatirəsi əbədiləşdirilmişdir. Onların məzarlarını ziyarət etmək bizim üçün mənəvi borca çevrilmişdir. Bu gün Şəhidlər xiyabanı ölkəmizin müstəqilliyi və torpaqlarımızın bütövlüyü uğrunda döyüşlərdə canlarından keçmiş insanların əbədi uyuduğu müqəddəs məkandır.
O dəhşətli gecədə həlak olmuş Vətən oğulları Azərbaycanın tarixinə parlaq bir səhifə yazdılar.
Bölmənin digər xəbərləri
