Şəhidlərimizin əziz xatirəsini yad etməyi özümüzə borc bilirik
Bakı, 20 yanvar (AZƏRTAC). 20 Yanvar hadisələri Azərbaycan xalqının faciəsidir. Qaniçən sovet ordusu heç nəyə məhəl qoymadan Azərbaycanın azadlığını boğmaq məqsədilə 1990-cı il yanvarın 19-dan 20-nə keçən gecə Bakıya və ölkəmizin digər şəhər və rayonlarına hücum etmişdir. Qanlı 20 Yanvar gecəsində Azərbaycanın azadlığı və suverenliyi uğrunda qəhrəman oğul və qızlarımız əliyalın bu ordunun qarşısına çıxmış, tankdan, topdan və digər ölümsaçan silahlardan çəkinmədən Vətən uğrunda öz canlarından keçərək şəhid olmuşlar.
Bu sözləri yanvarın 20-də Şəhidlər xiyabanını ziyarət edən 138 nömrəli mənzil-istismar sahəsinin mühəndisi Ağalar İbrahimov AZƏRTAC-a müsahibəsində demişdir.
Bildirmişdir ki, Ümumxalq Hüzn Günündə şəhidlərimizin əziz xatirəsini yad etməyi özümüzə borc bilirik.
Allah şəhidlərimizə rəhmət eləsin!
Bölmənin digər xəbərləri
