“ŞƏHİDLƏRİMİZİN XATİRƏSİ HEÇ VAXT UNUDULMAYACAQDIR”
AZƏRTAC xəbər verir ki, Azərbaycan istiqlal muzeyinin təşkilatçılığı ilə Muzey Mərkəzinin rəsm qalereyasında 20 Yanvar faciəsinin on beşinci ildönümünə həsr olunmuş sərgi açılmışdır.
20-dən artıq fotoşəklin və rəsm əsərinin nümayiş olunduğu sərgidə şəhidlərimizin xatirəsi bir dəqiqəlik sukutla yad edilmişdir. Mədəniyyət naziri Polad Bülbüloğlu, muzeyin direktoru Azadə Hüseynova və başqaları qanlı faciə günündə sovet imperiyası silahlı qüvvələrinin əliyalın insanlara qarşı törətdikləri vəhşiliklərdən ətraflı danışmışlar. Bildirilmişdir ki, vətən yolunda mərd mübarizlərin - şəhidlərimizin xatirəsi heç vaxt unudulmayacaqdır.
Bölmənin digər xəbərləri
