Şəhriyar Məmmədyarov “Oslo Esports Cup” turnirinə qələbə ilə başlayıb
Bakı, 23 aprel, AZƏRTAC
Çempionlar turunun “Oslo Esports Cup” mərhələsinin yarışları start götürüb.
AZƏRTAC xəbər verir ki, nüfuzlu turnirdə Azərbaycan şahmatçısı Şəhriyar Məmmədyarov ilk görüşünü vyetnamlı Le Quanq Liyemə qarşı keçirib. Birinci tur çərçivəsində baş tutan qarşılaşma şahmatçımızın 2,5:1,5 hesablı qələbəsi ilə başa çatıb.
Qeyd edək ki, hər turda iştirakçılar rapid üzrə (15 dəqiqə + 10 saniyə) 4 partiyadan ibarət matçda mübarizə aparacaqlar. Turnir aprelin 28-dək davam edəcək.
Bölmənin digər xəbərləri
