“ŞƏKƏRLİ DİABET ÜZRƏ DÖVLƏT PROQRAMI” HAZIRLANMIŞDIR
Komissiyanın işçi qrupuna daxil olan Azərbaycan Respublikası Endokrinoloqlar Elmi Cəmiyyətinin sədri Valeh Mirzəzadə AZƏRTAC-ın müxbirinə demişdir ki, hazırda dünyada şəkərli diabet xəstəliyi epidemiya kimi qəbul olunur. Rəsmi məlumata görə, Azərbaycanda 54 min 500, dünyada isə 194 milyondan çox adam bu xəstəliyə tutulmuşdur. Onlar əksər hallarda korluq, infarkt, böyrək çatışmazlığı kimi ağır fəsadlarla üzləşirlər. Səhiyyə Nazirliyi bütün bunları nəzərə alaraq Beynəlxalq Diabet Federasiyasının və Dünya Səhiyyə Təşkilatının standartlarına uyğun xüsusi Dövlət Proqramı hazırlamışdır.
Proqramda xəstələrə özünənəzarət prinsiplərinin öyrədilməsi, onların insulin, şəkəri aşağı salan həblərlə pulsuz təmin olunması nəzərdə tutulmuşdur.
Bölmənin digər xəbərləri
