ŞƏKİDƏ DÖVLƏT PROQRAMININ İCRASI İLƏ BAĞLI KOMPLEKS TƏDBİRLƏR HƏYATA KEÇİRİLİR

21.06.2004 [19:55]
Çap et
A⁺ A^-

Regionların sosial-iqtisadi inkişafına dair Dövlət proqramının icrası ilə əlaqədar Şəki Şəhər İcra Hakimiyyəti başçısının xüsusi sərəncamı ilə yaradılmış komissiya və işçi qrupları proqramda Şəki rayonu üzrə nəzərdə tutulan tədbirlərin müəyyən olunmuş müddətdə yerinə yetirilməsini təmin etmək məqsədi ilə kompleks tədbirlər həyata keçirirlər.

İcra hakimiyyətindən AZƏRTAC-ın müxbirinə bildirmişlər ki, yaradılmış dörd işçi qrupu proqramda nəzərdə tutulan tədbirlərin həyata keçirilməsini daim nəzarətdə saxlayır, mütəxəssislərin iştirakı ilə vaxtaşırı olaraq ayrı-ayrı sahələr üzrə təhlillər aparır, təklif və layihələr hazırlayaraq, komissiyanın müzakirəsinə təqdim edirlər.

Dövlət proqramının yerinə yetirilməsi nəticəsində 2004-2008-ci illərdə Şəkidə yeddi mindən artıq yeni iş yerinin açılması planlaşdırılır.