Şəkidə həmyerlisinin yardımçı təsərrüfatını qəsdən yandıran şəxs barəsində cinayət işi başlanıb
Bakı, 17 avqust, AZƏRTAC
Şəki Şəhər Rayon Polis Şöbəsinə müraciət edən Kiçik Dəhnə kənd sakini T.Baqiyev avqustun 15-də saat 22 radələrində kənd ərazisində ona məxsus yardımçı təsərrüfatın qəsdən yandırılması nəticəsində 1500 ədəd ot bağlamasının yanmasını, 1 ulaq və 70 ev quşunun tələf olduğunu bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə, dərhal polis əməkdaşları tərəfindən müvafiq araşdırmalar aparılıb. Əmlakı qəsdən məhv etməkdə şübhəli bilinən həmkəndlisi, əvvəllər məhkum olunmuş S.Yusifov keçirilmiş əməliyyat tədbirləri nəticəsində saxlanılıb.
Faktla əlaqədar cinayət işi başlanıb.
Bölmənin digər xəbərləri
