ŞƏKİDƏ “SƏRHƏD” HƏRBİ İDMAN OYUNLARININ ZONA TURU KEÇİRİLMİŞDİR
Şəki Sərhəd Dəstəsində Dövlət Sərhəd Xidməti, Təhsil, Gənclər və İdman Nazirliklərinin birgə təşkilatçılığı ilə keçirilən “Sərhəd” hərbi idman oyunlarının zona turunun yarışları olmuşdur. Yarışlarda Şəki, Oğuz və Qəbələ rayonlarının komandaları iştirak etmişlər. Respublikamızın əsasən sərhədyanı rayonlarında bu oyunların keçirilməsində məqsəd gənc nəsli Vətənə, onun sərhədlərinə hörmət ruhunda tərbiyə etmək, yaradıcı, düşünən, sağlam gənclər yetişdirmək və onlarda sərhədçi peşəsinə marağı artırmaqdır.
Hərbi hissədən AZƏRTAC-a bildirmişlər ki, gərgin keçən yarışlarda Qəbələ rayonunun Vəndam qəsəbəsi 1 saylı orta məktəbinin “Vəndam” komandası daha uğurla çıxış edərək, hərbi idman oyunlarının qalibi olmuş və finala vəsiqə qazanmışdır. Final mərhələsinin oyunları yay aylarında Lənkəran Sərhəd Dəstəsinin bazasında yaradılmış xüsusi düşərgədə keçiriləcəkdir.
Bölmənin digər xəbərləri
