Sənaye şəhərlərinin atmosfer havasında çirklənmə normadan aşağıdır
Bakı, 1 mart (AZƏRTAC). Ekologiya və Təbii Sərvətlər Nazirliyi iri sənaye şəhərlərinin atmosfer havasında martın 1-i üçün gözlənilən çirklənmə vəziyyəti ilə bağlı açıqlama vermişdir.
Nazirlikdən AZƏRTAC-a verilən məlumata görə, Bakı, Sumqayıt, Gəncə, Mingəçevir, Naxçıvan, Şirvan, Şəki şəhərlərinin atmosfer havasında tozun miqdarı 0.0-0.5 milliqram/kubmetr olmaqla, norma (0.5 milliqram/kubmetr) daxilində dəyişmişdir. Kükürd qazının səviyyəsi bütün şəhərlərdə 0.0-0.3 milliqram/kubmetr təşkil etməklə, yol verilən qatılıq həddindən (0.5 milliqram/kubmetr) aşağı olmuşdur.
Dəm qazının səviyyə əksər şəhərlərdə normadan aşağı olmuş, Şirvan və Gəncədə ümumiyyətlə müşahidə edilməmişdir. His isə yalnız paytaxtın atmosfer havasında qeydə alınmışdır.
Bölmənin digər xəbərləri
