Sergey Revin: Azərbaycan və Xəzər hövzəsi Orta dəhliz üçün strateji rol oynayır
Bakı, 6 may, AZƏRTAC
Azərbaycan və Xəzər hövzəsi Orta dəhliz üçün strateji və mühüm rol oynayır.
Bu sözləri AZƏRTAC-a açıqlamasında "AGB Energy" şirkətinin icraçı direktoru Sergey Revin bildirib.
O bildirib ki, Bakı–Tbilisi–Qars layihəsi, eləcə də potensial Zəngəzur dəhlizinin açılması Azərbaycanın regiondakı rolunun daha da genişlənməsinə səbəb ola bilər. Onun sözlərinə görə, yalnız Azərbaycan deyil, dəhliz üzərində yerləşən digər ölkələr də öz logistik infrastrukturunun inkişafı istiqamətində fəal işləməlidir.
Sergey Revin vaqon infrastrukturunun inkişafının vacibliyini vurğulayaraq qeyd edib ki, yüklərin sürətli və səmərəli daşınmasını təmin etmək üçün dəhliz boyunca yerləşən ölkələr koordinasiyalı və sistemli şəkildə əməkdaşlıq etməlidir.
Bölmənin digər xəbərləri
