Sərhəd delimitasiyası nəticəsində Qırğızıstanın ərazisi genişlənib
Bakı, 21 iyul, AZƏRTAC
Qonşu ölkələrlə dövlət sərhədinin delimitasiya və demarkasiyası prosesinin başa çatmasından sonra Qırğızıstanın ərazisi 15 min 572 hektar genişlənib.
AZƏRTAC Kabar agentliyinə istinadla xəbər verir ki, bu barədə Qırğızıstan Prezidenti Sadır Japarov bildirib. Prezidentin sözlərinə görə, sərhədlərin dəqiqləşdirilməsindən sonra Qırğızıstanın ümumi ərazisi 20 milyon 90 min 572 hektara çatıb.
Sadır Japarov qeyd edib ki, ölkədə 6 milyon 732 min hektar kənd təsərrüfatı torpağı mövcuddur. O, həmçinin vurğulayıb ki, 1992-ci ildən bəri investisiya layihələri üçün ayrılan torpaqlar Qırğızıstanın ümumi ərazisinin 0,1 faizindən də az hissəsini təşkil edir.
Bölmənin digər xəbərləri
