“Siemens” şirkəti Misirdə sürətli dəmir yolu xətti inşa edəcək
Qahirə, 15 yanvar, AZƏRTAC
Almaniyanın “Siemens” şirkəti Misirdə Aralıq dənizinin şimalında yerləşən Əl-Ələmeyn şəhərini Qırmızı dəniz sahilindəki Ayn Suxna və ölkənin yeni inzibati paytaxtı ilə birləşdirəcək sürətli dəmir yolu xətti inşa edəcək.
AZƏRTAC Misir Prezidentinin mətbuat xidmətinə istinadla xəbər verir ki, Prezident Əbdülfəttah əl-Sisi ilə “Siemens” şirkətinin nümayəndə heyəti arasında keçirilən görüşdə layihənin detalları müzakirə edilib. Bildirilib ki, Misirin 1000 kilometrlik ərazisini əhatə edəcək və təxminən 460 kilometr uzunluqdakı sürətli dəmir yolu xətti 15 stansiyadan ibarət olacaq. Alman şirkəti layihəni 2 il müddətində başa çatdıracaq və Misirə ən müasir qatarlar gətirəcək. Dəmir yolu xəttinin inşasının smeta dəyəri 20 milyard dollardır.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
