SİQARET TÜSTÜSÜ DİZEL MÜHƏRRİKİNİN QAZINDAN 10 DƏFƏ ZƏRƏRLİDİR
Alimlər müqayisəli araşdırmalar apardıqdan sonra məhz belə nəticəyə gəlmişlər. Məlum olmuşdur ki, üç dənə tüstülənən siqaret havadakı zərərli aşqarların miqdarını tərkibində kükürdün miqdarı az olan yanacaqla boş-boşuna işləyən dizel mühərriyindən 10 dəfə çox artırır.
Milandakı Xərçəng Tədqiqatı Milli İnstitutunun əməkdaşı, tədqiqatçılar komandasına rəhbərlik etmiş Covanni İnvernizzi deyir: “Bu bizi, həqiqətən, təəccübləndirdi. Biz bu dərəcədə böyük fərqin olacağını gözləmirdik”.
Atmosferin ekologiyası üzrə britaniyalı ekspert İvan Vints hesab edir ki, ilk baxışdan sensasiya təsiri bağışlayan bu nəticələr tamamilə təbiidir. O deyir ki, tütünün yanması nəticəsində külli miqdarda zərərli maddələr yaranır və insan orqanizmi bu maddələri mənimsəyə bilir, yeni dizel mühərrikləri isə bu baxımdan insan üçün daha təhlükəsizdir.
