Siqaretlərin gömrük nəzarətindən gizlədilərək keçirilməsi cəhdinin qarşısı alınıb
Bakı, 13 yanvar, AZƏRTAC
Dövlət Gömrük Komitəsinin (DGK) Qərb Ərazi Baş Gömrük İdarəsinin “Qırmızı Körpü” gömrük postunda 8 fakt üzrə 11 min 360 ədəd müxtəlif markalı siqaretin qaçaqmalçılıq yolu ilə ölkəyə gətirilməsi cəhdinin qarşısı alınıb.
Komitənin Mətbuat və ictimaiyyətlə əlaqələr idarəsindən AZƏRTAC-a bildirilib ki, Gürcüstandan gələn “Mercedes Benz”, “DAF” və “Iveco” markalı yük avtomobilləri saxlanılıb və sürücülər şifahi sorğu-sual olunub. Sorğu-sual zamanı sürücülər idarə etdikləri nəqliyyat vasitələrində gömrük nəzarətindən gizlədilən və bəyan edilməyən hər hansı predmetin olmadığını bildirsələr də, baxış zamanı yük avtomobillərin gizli saxlanc yerlərindən ümumilikdə 11 min 360 ədəd müxtəlif markalı siqaret aşkarlanıb.
Faktlarla bağlı araşdırma aparılır.
Bölmənin digər xəbərləri
