Slovakiyada yeni hökumətin andiçmə mərasimi keçirilib
Vyana, 26 oktyabr, AZƏRTAC
Slovakiyada koalisiyalı hökumətin andiçmə mərasimi keçirilib.
AZƏRTAC xəbər verir ki, sentyabrın 30-da baş tutan növbədənkənar parlament seçkilərində qalib gələn “İstiqamət - Sosial-Demokratiya” (Smer-SD) partiyasının rəhbəri, əvvəllər iki dəfə baş nazir olmuş Robert Fitso yeni hökumətə başçılıq edəcəkdir. Koalisiya tərkibində yer alan digər siyasi qüvvələr isə sosial-demokrat HLAS və sağçı-millətçi Slovak Milli Partiyasıdır (SNS).
Ekspertlər hesab edirlər ki, Ukraynanın Avropada əsas müdafiəçilərindən biri olan Slovakiyada hakimiyyətə gələn yeni qüvvələr Rusiyaya meyilli siyasət yürüdə bilərlər. R.Fitso seçki kampaniyasında dəfələrlə Rusiya ilə münasibətlərin normallaşdırılmasına tərəfdar olduğunu və Ukraynaya silah tədarükünə son verilməsini ifadə edib.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
