Son sutkada Özbəkistanda koronavirusa 619 nəfər yoluxub
Daşkənd, 17 avqust, АZƏRTAC
Son sutkada Özbəkistanda COVID-19 koronavirusuna 619 nəfər tutulub və yoluxma sayı 35 min 513 nəfərə çatıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son sutkada virusdan 8 nəfər ölüb və bu səbəbdən vəfat edənlərin sayı 234 nəfərə çatıb.
Xəstəxanalarda 4 min 306 nəfərin olduğu bildirilir, onların 813-nün vəziyyəti ağır, 234-nün isə kritikdir.
Özbəkistan mətbuatının verdiyi məlumata görə koronavirusla mübarizə tədbirləri çərçivəsində özbək həmkarlarına kömək etmək üçün ötən gecə Moskvadan Daşkəndə xüsusi reyslə 40 həkim gətirilib. Onların arasında reanimotoloqlar, pulmonoloqlar, infeksionist həkimlər, kardioloqlar, endokrinoloqlar var və onlar bir ay müddətində paytaxtda və regionlarda özbək həkimlərinə nəzəri və praktik yardım göstərəcəklər.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
