Son sutkada Qırğızıstanda COVID-19-a 196 nəfər yoluxub
Bişkek, 21 avqust, АZƏRTAC
Son sutkada Qırğızıstanda COVID-19 koronavirusuna 196 nəfər tutulub və bu günədək yoluxanların sayı 42 min 703 nəfərə çatıb.
AZƏRTAC Qırğızıstan Səhiyyə Nazirliyinin mətbuat xidmətinə istinadla xəbər verir ki, son 24 saatda virusdan 2 xəstə dünyasını dəyişib və ölənlərin sayı yeni statistikaya görə 1059 nəfərə çatıb.
Son gündə 14, ümumiyyətlə isə 3 min 73 tibb işçisində virus aşkar olunub.
Qeyd edilib ki, ötən gecə Moskvadan Oş şəhərinə 297, Sankt-Peterburqdan isə Bişkekə 140 Qırğızıstan vətəndaşı gətirilib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
