Sorğu: İsrailin yerüstü əməliyyat planına dəstək iki dəfə azalıb
Bakı, 27 oktyabr, AZƏRTAC
Yəhudilər arasında İsrail ordusunun Qəzza sektorunda yerüstü əməliyyat keçirmək planına dəstək iki dəfə azalıb.
AZƏRTAC xəbər verir ki, “Maariv” qəzetində dərc olunan sorğunun nəticələrinə əsasən, İsrailin yerüstü əməliyyatını dəstəkləyənlərin sayı həftə ərzində 65 faizdən 29 faizə enib. Bundan başqa, rəyi soruşulan vətəndaşların 49 faizi SAXAL-ın anklavda hərbi əməliyyat keçirmək planlarını təxirə salmalı olduğunu düşünür. Qəzet bu dəyişikliyi HƏMAS hərəkatının əlində olan əsirlər mövzusunun ictimai müzakirələrdə önə çıxması ilə əlaqələndirir.
Sorğu oktyabrın 25-26-da 18 yaşdan yuxarı 522 israilli arasında keçirilib.
İsrail ordusunun açıqladığı son məlumata görə, HƏMAS-ın əlində ən azı 229 əsir var.
Bölmənin digər xəbərləri
