Şotlandiyada 5 min il əvvələ aid sərdabə qalıqları tapılıb
Bakı, 24 oktyabr, AZƏRTAC
Arxeoloqlar Şotlandiyanın Orkney adasında 5 min illik nadir sərdabənin xarabalıqlarını aşkar ediblər. Bu ərazidə 127 il əvvəl Şərqi Materiyanın Holm şəhərindəki Neolit dövrünə aid məzarlıq Viktoriya dövrünə aid antikvar həvəskarları tərəfindən böyük ölçüdə məhv edilib.
AZƏRTAC BBC telekanalına istinadla xəbər verir ki, Şotlandiya Milli Muzeyləri (NMS) və Kardiff Universitetinin mütəxəssisləri məzarlığı yenidən kəşf ediblər. Vurulan zərərlərə baxmayaraq, arxeoloqlar kişi, qadın və uşaqlara aid 14 skelet tapıblar.
Mərkəzi Lankaşir Universiteti ilə işləyən yerli könüllülər saxsı qablar, daş alətlər və sümükdən oyulmuş sancaqlar da daxil olmaqla, başqa tapıntılar da əldə ediblər. Üç həftəlik qazıntılar zamanı 15 metr diametrli bir daş gövdənin izləri, 7 metr uzunluğunda keçid də üzə çıxarılıb.
Arxeoloqlar bildiriblər ki, sərdabənin ortasında daş kamera var və bu, altı kiçik hücrə ilə əhatə olunub. Bir əsr öncə Holmdakı nekropolun çox hissəsi xarabalığa çevrilib, daşlar isə tikinti işləri üçün daşınıb aparılıb.
Alimlər bildirirlər ki, bu məzar qalıqlarını hətta yaxşı qorunan kameralı qəbirlərdə belə tapmaq olduqca nadir hadisədir. İnsan qalıqları burada yaşamış xalqların həyatının bütün aspektləri haqqında yeni məlumatlar əldə etməyə imkan verəcəkdir.
Bölmənin digər xəbərləri
