SOYDAŞIMIZ RUSİYA FEDERASİYA ŞURASININ SENATORU TƏYİN EDİLMİŞDİR
AZƏRTAC-ın xüsusi müxbiri xəbər verir ki, soydaşımız, “Nortqaz” şirkətinin prezidenti Fərhad Əhmədov Rusiya Federasiyasının Krasnodar diyarından Federasiya Şurasının üzvü olmuşdur. O, Rusiya ali qanunverici orqanının tərkibində ilk azərbaycanlı senatordur. F.Əhmədovun bu orqana təyin edilməsi təşəbbüsünü Krasnodar diyarı administrasiyasının başçısı Aleksandr Tkaçov irəli sürmüşdür. İndiyədək Krasnodar diyarını ölkə parlamentinin yuxarı palatasında Soçinin meri Leonid Mostovoy təmsil edirdi.
Fərhad Əhmədov Rusiyanın ən uğurlu özəl energetika şirkətlərindən birinə başçılıq edir. O, 1955-ci ildə Bakıda doğulmuşdur. Moskva Baytarlıq Akademiyasını bitirib, “texnologiya və əmtəəşünaslıq” ixtisası almışdır. 1990-cı ildə Böyük Britaniyada Ali İqtisadi Məktəbi, 2000-ci ildə Qubkin adına Rusiya Dövlət Neft və Qaz Universitetinin aspiranturasını bitirmişdir. 1994-cü ilədək neft və qaz yataqlarının işlənilməsi texnologiyaları üzrə ingilis şirkətinin meneceri olmuşdur. 2002-ci ildən “Nortqaz” qazçıxarma şirkəti Direktorlar Şurasının sədridir. İqtisad elmləri namizədi, Beynəlxalq Texnologiya Elmləri Akademiyasının müxbir üzvüdür.
ABŞ-ın “Forbs” jurnalının versiyasına görə, Fərhad Əhmədov 2004-cü ildə Rusiyanın 100 ən varlı biznesmeni sırasına daxil edilmişdir.
Bölmənin digər xəbərləri
