“SpaceX” şirkətinin Ay raketi növbəti sınaq uçuşunu uğurla həyata keçirib
Bakı, 14 oktyabr, AZƏRTAC
“SpaceX” şirkətinin Aya idarəolunan uçuşlar üçün hazırladığı “Starship” kosmik gəmisi və “Super Heavy” raketdaşıyıcısı növbəti sınağını da uğurla başa vurub.
AZƏRTAC xəbər verir ki, məlumata görə, sınaq uçuşu oktyabrın 13-də yerli vaxtla saat 19:23-də “SpaceX” şirkətinin Texas ştatındakı “Starbase” kosmodromunda həyata keçirilib.
“Starship” kosmik gəmisi Yer ətrafında natamam dövrə vuraraq Hind okeanında – Avstraliyanın şimal-qərbinə yaxın ərazidə yumşaq eniş edib.
“Starship” kosmik gəmisi və “Super Heavy” raketindən ibarət sistemin hündürlüyü 120 metrdən çoxdur və NASA-nın Ay missiyası üçün hazırladığı “Space Launch System” raket sistemindən iki dəfə güclüdür.
Bölmənin digər xəbərləri
