“Şrek 5” filminin göstəriləcəyi tarix açıqlanıb
London, 10 iyul, AZƏRTAC
“Şrek 5” filminin göstəriləcəyi tarix məlum olub.
AZƏRTAC xəbər verir ki, bu barədə “DreamWorks” animasiya şirkəti məlumat verib. Onlar "Şrek 5" üçün hazırlıqlara başlandığını və filmin 2026-cı il iyulun 1-də kinoteatrlarda göstəriləcəyini bildirib.
“Şrek”in 2001-ci ildə buraxılan ilk filminin səsləndirməsində iştirak edən Mayk Mayers, Eddi Merfi və Kamerin Diazın bu film üçün geri dönəcəyi təsdiqlənib.
Qeyd edək ki, “Şrek” filmi 2002-ci ildə “Oskar”ın animasiya filmi kateqoriyasında mükafata layiq görülüb. İlk filmdən 487 milyon dollar, ikinci filmdən isə 928 milyon dollar gəlir əldə edilib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
