Süd vəzi xərçənginin erkən aşkarlanma faizi ilbəil zəifləyib
Bakı, 27 oktyabr, AZƏRTAC
2012, 2017 və 2022-ci illərdə süd vəzi xərçəngindən əziyyət çəkənlər arasında sağ qalanların faizi 40-41 faiz civarındadır. Artım o qədər hiss olunmur. Bu da bizi bir qədər düşündürməlidir ki, xəstə sayı artsa da, 5 illik yaşam göstəricisinin yüksəlməsini əldə edə bilmirik. Buradan belə qənaətə gəlmək olar ki, süd vəzi xərçənginin erkən aşkarlanmasında hələ də problemlər var.
AZƏRTAC xəbər verir ki, bunu II Beynəlxalq Bakı Süd Vəzi Xərçəngi Konqresində “Azərbaycanda süd vəzi xərçəngi - erkən aşkar olunma, qarşıda duran vəzifələr” mövzusunda təqdimatla çıxış edən Azərbaycan Tibb Universitetinin onkologiya kafedrasının müdiri Nəsimi Qasımov deyib.
“2012-ci ildə süd vəzi xərçənginin birinci-ikinci mərhələdə aşkarlanma faizi 57,5, 2017-ci ildə 55,2, 2022-ci ildə isə 50,9 faiz olub. Yəni, süd vəzi xərçənginin erkən aşkarlanma faizi ilbəil zəifləyib. Həmin xəstəlikdən müalicə alanlar arasında hesabat ilində 5 ildən çox yaşayanlar 43,6 faiz təşkil edib”, - deyə N.Qasımov bildirib.
Bölmənin digər xəbərləri
