Sudan ordusu əl-Cəzirə əyalətinin paytaxtını azad edib
Qahirə, 11 yanvar, AZƏRTAC
Sudan ordusu əl-Cəzirə əyalətinin mərkəzi Vadmədəni şəhərini azad edib. Şəhər 2023-cü ilin dekabrında üsyankar Çevik Dəstək Qüvvələri adlandırılan silahlı qruplaşmanın nəzarəti altına keçmişdi.
AZƏRTAC bildirir ki, bu barədə Sudan İnformasiya Agentliyi xəbər verib.
Xatırladaq ki, Birləşmiş Millətlər Təşkilatının Koordinasiya Ofisinin yaydığı son hesabata görə, ölkədə 2023-cü il aprelin 15-də başlayan münaqişədən bəri 15 min 550 ölüm qeydə alınıb, köçkünlərin sayı isə 8,7 milyona çatıb.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
