“SÜLH KORPUSU”NUN KÖNÜLLÜLƏRİ SUMQAYITA GƏLƏCƏKLƏR
Görüşdə iyun ayında Sumqayıta göndəriləcək 45 könüllünün burada yaşaması məsələləri müzakirə olunmuşdur. İngilis dili və biznes menecmenti mütəxəssisləri üç ay ərzində Sumqayıtın Corat və hacı Zeynalabdin Tağıyev qəsəbələrində ailələrdə yaşamaqla, Azərbaycan dilini öyrənəcəklər. Bununla yanaşı, onlar xalqımızın məişəti, adət-ənənələri, mədəniyyəti ilə tanış olacaqlar. Könüllülər ingilis dili müəllimləri ilə treninq-seminarlar, təcrübi məşğələlər keçirəcək, habelə məktəblərdə şagirdlərə ingilis dili öyrədəcəklər.
Zoltan Zigerti və təşkilatın meneceri Şəmsiyə Mustafayeva son dörd il ərzində Azərbaycanda müsbət iş təcrübəsinə malik “Sülh korpusu” könüllülərini qəbul etməyə hazır olduğunu söyləyən şəhərin rəhbərliyinə minnətdarlıqlarını bildirmişlər.
