Sumqayıt Dövlət Universitetində Xocalı faciəsi anılmışdır
Sumqayıt, 26 fevral (AZƏRTAC). Sumqayıt Dövlət Universitetində (SDU) Xocalı faciəsinin 21-ci ildönümü ilə bağlı anma tədbiri keçirilmişdir.
AZƏRTAC xəbər verir ki, tədbirdə çıxış edən universitetin rektoru, professor Nadir Qəhrəmanov 1992-ci il fevralın 25-dən 26-na keçən gecə baş vermiş erməni vandalizmindən danışmışdır. Rektor vurğulamışdır ki, o vaxt uzun müddət bu soyqırımı hadisəsinə siyasi qiymət verilməmiş, yalnız dahi siyasətçi, ulu öndərimiz Heydər Əliyev xalqın tələbi ilə hakimiyyətə qayıtdıqdan sonra hadisə siyasi-hüquqi qiymətini almışdır.
Daha sonra SDU ümumi tarix kafedrasının müdiri, professor Şirxan Səlimov, rus dili kafedrasının müdiri, professor Ramazan Məmmədov, Azərbaycan dili və ədəbiyyatının tədrisi metodikası kafedrasının müdiri, dosent Yusif Aslanlı və başqaları əsrin ən qanlı hadisəsi- Xocalı faciəsi barədə danışmış, ermənilərin Azərbaycan xalqına qarşı törətdikləri soyqırımı pisləmişlər.
Bölmənin digər xəbərləri
