“Sumqayıt” klubu kapitanı ilə müqaviləni yeniləyib
Bakı, 22 may, AZƏRTAC
“Sumqayıt” futbol klubu 2018/2019-cu il mövsümü üçün heyətini müəyyənləşdirmək üçün çalışmalara başlayıb. Komanda ilk olaraq kapitan Vurğun Hüseynovla müqavilə imzalayıb.
AZƏRTAC kluba istinadla xəbər verir ki, 30 yaşlı müdafiəçi komanda ilə ikiillik sazişə imza atıb. Beş mövsümdür klubun şərəfini qoruyan V.Hüseynov 2017/2018-ci il mövsümündə klubun heyətində 20 oyuna çıxıb və 1800 dəqiqə meydanda olub, 1 qol vurub.
Qeyd edək ki, futbolçu ümumilikdə “Sumqayıt”ın heyətində 131 qarşılaşmada meydana çıxıb. Vurğun Hüseynovun “Sumqayıt”da debütü 2013-cü il avqustun 4-də gerçəkləşib. O, “Xəzər-Lənkəran”la ev matçında (1:1) 90 dəqiqə meydanda mübarizə aparıb.
Bölmənin digər xəbərləri
