SUMQAYITDA MƏDƏNİYYƏT OBYEKTLƏRİ TƏMİR OLUNUR
Sumqayıt Tarix muzeyinin binası tamamilə yenidən qurulacaqdır. Bunu AZƏRTAC-ın müxbirinə şəhər icra hakimiyyətindən bildirmişlər. Muzeydə 58 yaşlı sənaye şəhərinin tarixi ilə bağlı maraqlı sənədlər saxlanılır. Smeta-layihə sənədləri artıq hazırlanmışdır, yaxın vaxtlarda mütəxəssislər və fəhlələr əsaslı təmir işlərinə başlayacaqlar.
1967-ci ildə yaradılan muzey 1988-ci ildən hazırkı binada yerləşir. Bu vaxt ərzində binada heç bir təmir işləri aparılmamışdır. Sumqayıt Tarix muzeyində əsaslı təmir işləri regionların sosial-iqtisadi inkişafına dair Dövlət Proqramı çərçivəsində həyata keçirilir.
2008-ci ildə Bülbül adına şəhər incəsənət məktəbində də əsaslı təmir işlərinə başlanacaqdır. Məktəb binasının fasadı artıq təmir olunmuş, dam örtüyü təzələnmiş, ayrıca qazanxana tikilmişdir.
Bölmənin digər xəbərləri
