Sumqayıtda ötən il 19 layihəyə 15 milyon 627 min manat güzəştli investisiya qoyulub
Sumqayıt, 12 fevral, Ətrabə Rzayeva, AZƏRTAC
Sumqayıtda iqtisadiyyatın bütün sahələrində olduğu kimi, şəhər təsərrüfatının inkişafı istiqamətində əhəmiyyətli irəliləyişlərə nail olunub. Belə ki, 2019-cu il ərzində şəhərin makroiqtisadi göstəriciləri qənaətbəxş olub. Bütün maliyyə mənbələri hesabına əsas kapitala yönəldilmiş investisiyanın məbləği 1 milyard 950 milyon manat təşkil edib ki, bu da əvvəlki dövrə nisbətən 5,5 dəfə çoxdur.
AZƏRTAC xəbər verir ki, Sahibkarlığın İnkişafı Fondunun vəsaiti hesabına iqtisadiyyatın müxtəlif sahələrini əhatə edən 19 layihəyə 15 milyon 627 min manat güzəştli investisiya qoyuluşu nəticəsində 270 yeni iş yeri yaradılıb.
Nəqliyyat sahəsində göstərilən xidmətlər 16 milyon manat və ya ötən ilin eyni dövrü ilə müqayisədə 4 faiz çox, rabitə xidmətlərinin həcmi isə 2 dəfə çox və ya 70 milyon manat olub.
Bölmənin digər xəbərləri
