SUMQAYITDAKI RUS İCMASININ FƏALİYYƏTİ BƏYƏNİLMİŞDİR
Konfrans iştirakçıları ümummilli liderimiz Heydər Əliyevin nurlu xatirəsini birdəqiqəlik sükutla anmışlar.
Milli Məclisin deputatı Mixail Zabelin, rus icmasının şəhər bölməsinin sədri Svetlana Popova, şəhər ictimaiyyətinin və icra hakimiyyətinin nümayəndələri konfransda çıxış edərək, Azərbaycan və rus xalqlarının dostluğunun qaynaqlarından danışmışlar. Ölkələrimiz arasında mehriban qonşuluq münasibətlərinin inkişafında və möhkəmlənməsində xalqımızın böyük oğlu Heydər Əliyevin və Rusiya Prezidenti Vladimir Putinin xüsusi rolu vurğulanmışdır.
Konfransda bildirilmişdir ki, şəhərdəki rus icması üzvlərinin burada adət-ənənələrini qoruyub saxlaması, mədəniyyəti və dilinin inkişafı üçün hər cür şərait yaradılmışdır. Şəhərdə rus dilində təhsil verən orta məktəblər fəaliyyət göstərir, qəzet nəşr olunur. İcma üzvləri şəhərin mədəni və ictimai həyatında fəal iştirak edirlər.
Bölmənin digər xəbərləri
