“SUMUQ QALA” ABİDƏSİNİN ƏTRAFINDAABADLIQ İŞLƏRİNƏ BAŞLANILIB
İdarənin rəisi Şahid Məmmədov AZƏRTAC-ın müxbirinə bildirmişdir ki, abidənin bərpasına 2003-cü ildə başlanılmışdır. Bərpa işləri dövlət vəsaiti hesabına həyata keçirilir. Layihəyə uyğun olaraq, ilkin mərhələdə qalanın torpaq altında qalan iki mərtəbəsi, habelə qalanın ətrafı torpaq, çınqıl və qumdan təmizlənərək üzə çıxarılmışdır. Bərpa işlərindən sonra beş mərtəbə və dam örtüyündən ibarət olan memarlıq abidəsi tam şəkildə öz əvvəlki görkəmini almışdır.
Hazırda abidəətrafı ərazinin abadlaşdırılması işi ilə yanaşı, Qax-İlisu avtomobil yolundan qalaya yeni giriş yolunun çəkilişinə də başlanmışdır. Abidənin və ətraf ərazinin seldən mühafizə edilməsi üçün gələn il burada sahilbərkitmə işləri və kanal çəkilməsi də nəzərdə tutulur.
Bölmənin digər xəbərləri
