“Suraxanı” gəmi-muzeyində “Açıq qapı” günü olacaq
Bakı, 17 may, AZƏRTAC
Beynəlxalq Muzeylər Günü ilə əlaqədar mayın 18-də “Azərbaycan Xəzər Dəniz Gəmiçiliyi” QSC-nin (ASCO) “Suraxanı” gəmi-muzeyində “Açıq qapı” günü elan ediləcək.
ASCO-dan AZƏRTAC-a bildirilib ki, həmin gün muzeydə Xəzər dənizinin ekoloji mühitinin qorunmasına həsr edilmiş ustad dərsləri də təşkil ediləcək.
Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə muzeylərin cəmiyyətin həyatında nə dərəcədə mühüm rol oynadığını göstərmək üçün 1977-ci ildə təsis edilib. Bu bayram hər il müxtəlif deviz altında keçirilir. Bu il Beynəlxalq Muzeylər Günü “muzeylər dayanıqlılıq və rifah” mövzusuna həsr olunub.
Bölmənin digər xəbərləri
