Suraxanı rayonunda yaşayış binasında yanğın zamanı 10 nəfər sakin təhlükəsiz əraziyə təxliyə olunub
Bakı, 9 yanvar, AZƏRTAC
Paytaxtın Suraxanı rayonunda çoxmərtəbəli yaşayış binasının yeddinci mərtəbəsinin pilləkən qəfəsində quraşdırılan 10 elektrik sayğacı yanıb.
Fövqəladə Hallar Nazirliyinin mətbuat xidmətindən AZƏRTAC-a bildiriblər ki, yanğın zamanı yanğınsöndürənlər tərəfindən 10 nəfər bina sakini təhlükəsiz əraziyə təxliyə olunub.
Mənzillər yanğından mühafizə edilib.
Alov yanğından mühafizə bölmələri tərəfindən söndürülüb.
Hadisə ilə əlaqədar təhqiqat aparılır.
Bölmənin digər xəbərləri
