Sutka ərzində İranda koronavirusdan 165 nəfər ölüb
Tehran, 17 avqust, AZƏRTAC
İranda tədricən də olsa koronavirus infeksiyasının yayılması tempi azalır. Son sutkada İranda bu virusa 2 min 247 nəfər yoluxub, 165 nəfər ölüb.
AZƏRTAC xəbər verir ki, bu barədə İranın Səhiyyə Nazirliyinin mətbuat katibi Sima Səadət Lari mətbuat konfransında məlumat verib. Nəzərə çatdırılıb ki, bununla da İranda yoluxanların ümumi sayı 345 min 450 nəfərə, ölənlərin sayı isə 19 min 804-ə çatıb. Müalicə alan 299 min 157 nəfər sağalıb, 3 min 773 nəfərin vəziyyəti isə ağır olaraq qalır.
Tehran daxil olmaqla İranın 12 vilayəti hələ də qırmızı zonaya daxildir.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
