Süveyş kanalında tıxac yaradan gəmini saydan çıxarıblar
Qahirə, 29 mart, AZƏRTAC
Süveyş kanalının bir həftəyə yaxın müddətdə bağlanmasına səbəb olan “Ever Given” yük gəmisi tədricən üzməyə başlayıb.
AZƏRTAC Misirin Süveyş Kanalı İdarəsinə istinadla xəbər verir ki, saya oturmuş 400 metr uzunluğunda olan gəmini yerindən tərpətmək mümkün olub və o, şimal istiqamətində hərəkət edib.
Hazırda yedək gəmiləri işi davam etdirir. Bunun üçün əraziyə 17 dartı qurğusu, o cümlədən Niderlanddan gətirilmiş 285 ton yük çəkən “Alp Guard” qurğusu cəlb edilib. Bundan başqa, gəminin ətrafı və altından 27 min kubmetr həcmində qum təmizlənib.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
