TACİKİSTAN-ÖZBƏKİSTAN SƏRHƏDDİNDƏ ÜÇ NƏFƏR MİNAYA DÜŞMÜŞDÜR
AZƏRTAC-ın müxbiri xəbər verir ki, Tacikistanın Soqd vilayəti İsfarin rayonunun Xanabad kəndi yaxınlığında 13-14 yaşlı üç yeniyetmə evə qayıdarkən minalanmış sahəyə düşmüş və həlak olmuşlar. Bu haqda Tacikistan Dövlət Sərhəddinin Mühafizəsi Komitəsi xəbər vermişdir. Yeniyetmələrdən ikisi qəlpə yarasından yerindəcə həlak olmuş, üçüncüsü xəstəxanada keçinmişdir.
Tacikistanın Özbəkistanla sərhəddində Özbəkistan güc strukturlarının minaladığı sahələrdə artıq 73 nəfər ölmüşdür. Minalar 2000-ci ilin avqustunda İslam hərəkatı döyüşçülərinin Özbəkistan ərazisinə keçməsinin qarşısını almaq məqsədilə qoyulmuşdur.
Bölmənin digər xəbərləri
