Tahir Mirkişili: Ötən ilin dövlət büdcəsi xərclərinin 36,1 faizini sosialyönümlü xərclər təşkil edib
Bakı, 31 may, AZƏRTAC
2022-ci ilin dövlət büdcəsinin gəlirləri proqnozdan 1 milyard 481 milyon manat artıq icra olunub, xərcləri isə 32 milyard 64,6 milyon manat həcmində olub. İcra göstəricilərinin yüksək olması qarşıda duran hədəflərin yerinə yetirilməsi üçün mühüm əhəmiyyət kəsb edir.
AZƏRTAC xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili parlamentin mayın 31-də keçirilən iclasının gündəliyinə daxil olunan 2022-ci ilin dövlət büdcəsinin icrası ilə bağlı qanun layihəsini təqdim edərkən bildirib.
Onun sözlərinə görə, 2022-ci il dövlət büdcəsi kəsirinin yuxarı həddi 3 milyard 106 milyon manat məbləğində təsdiqlənsə də, faktiki kəsir 1 milyard 385 milyon manat təşkil edib.
Komitə sədri diqqətə çatdırıb ki, ötən ilin dövlət büdcəsi xərclərinin 36,1 faizini sosialyönümlü xərclər təşkil edib.
Bölmənin digər xəbərləri
