“Tarixi həqiqətlər yaddaşlardan silinməyəcək” mövzusunda elmi-praktiki konfrans keçirilmişdir
Bakı, 30 mart (AZƏRTAC). Bakı Pedaqoji Kadrların İxtisasartırma və Yenidənhazırlanma İnstitutunda 31 mart - Azərbaycanlıların Soyqırımı Günü ilə bağlı “Tarixi həqiqətlər yaddaşlardan silinməyəcək” mövzusunda elmi-praktiki konfrans keçirilmişdir.
AZƏRTAC xəbər verir ki, institutun rektoru, professor Asəf Zamanov erməni daşnaklarının Bakı, Şamaxı, Quba, Göyçay, Qarabağ, İrəvan, Zəngəzur, Naxçıvan və Azərbaycanın digər bölgələrində xalqımıza qarşı həyata keçirdikləri soyqırımı siyasətinin dəhşətlərindən danışmışdır. Azərbaycan Prezidenti İlham Əliyevin xalqımızın haqq səsinin dünya ictimaiyyətinə çatdırılması üçün bütün mötəbər tribunalardan istifadə etdiyi diqqətə çatdırılmışdır.
Konfransda Bakı Dövlət Universitetinin professoru Anar İsgəndərov “Tarixi həqiqətlər elmi tədqiqatlarda”, Binəqədi Rayon İcra Hakimiyyəti başçısının müavini Vüsal İsmayılov “Azərbaycanlıların soyqırımına hüquqi-siyasi qiymətin verilməsi” mövzularında məruzələr etmişlər.
Bildirilmişdir ki, xalqımıza qarşı həyata keçirilən faciələr hər birimizin qan yaddaşı olmaqla, bu həqiqətlərin dünya ictimaiyyətinə çatdırılması ilə bağlı davamlı iş aparılmalıdır.
Bölmənin digər xəbərləri
