Tbilisi Azərbaycan Dövlət Dram Teatrı beynəlxalq festivala qatılacaq
Bakı, 1 noyabr, AZƏRTAC
Heydər Əliyev adına Tbilisi Azərbaycan Dövlət Dram Teatrı Türkiyənin Adana şəhərində keçirilən beynəlxalq teatr festivalına qatılacaq.
AZƏRTAC Türkiyə mətbuatına istinadən xəbər verir ki, teatr festivalda gürcü yazıçı Davit Kldiaşvilinin “Darispanın əziyyəti” əsəri əsasında hazırlanmış tamaşanı təqdim edəcək.
Azərbaycan teatrının beynəlxalq festivalda iştirakına Gürcüstanın Mədəniyyət və Abidələrin Mühafizəsi Nazirliyi dəstək verib. Teatrın festivalda təqdim edəcəyi tamaşada teatrın aktyorları ilə yanaşı, baş rolda türkiyəli aktyor Necati Zengin də oynayacaq.
Tamaşanın quruluşçu rejissoru teatrın bədii rəhbəri Varlam Nikoladzedir.
Bölmənin digər xəbərləri
