Tbilisidə iri ticarət mərkəzində güclü yanğın baş verib
Tbilisi, 8 fevral, AZƏRTAC
Fevralın 8-də səhər saatlarında Tbilisidə yerləşən ən böyük pərakəndə ticarət mərkəzi “Lilo Moll”da yanğın baş verib.
Gürcüstan Daxili İşlər Nazirliyinin Fövqəladə Halların İdarə Olunması Xidmətinin məlumatına görə, yanğının söndürülməsinə 9 yanğınsöndürmə briqadası cəlb olunub.
Ticarət mərkəzindəki köşklər biri-birinə bitişikdir. Onların böyük əksəriyyətində geyim və gündəlik tələbat malları olub.
Yanğının başvermə səbəbi hələlik məlum deyil.
Qeyd edək ki, koronavirus pandemiyası səbəbindən Gürcüstanın iri şəhər və rayonlarında kənd təsərrüfatı mallarının satışı ilə məşğul olan bazar və mağazalar istisna olmaqla bütün digər ticarət mərkəzləri bağlanmışdı. Onların fəaliyyətinə fevralın 8-dən icazə verilib.
Xətayi Əzizov
AZƏRAC-ın xüsusi müxbiri
Tbilisi
Bölmənin digər xəbərləri
