Təbrizdə 20 Yanvar faciəsinin 23-cü ildönümü ilə bağlı anma mərasimi keçiriləcəkdir
Tehran, 16 yanvar (AZƏRTAC). Azərbaycan Respublikasının Təbrizdəki baş konsulluğunda 20 Yanvar faciəsinin iyirmi üçüncü ildönümünə həsr olunmuş anma mərasimi təşkil olunacaqdır.
Mərasimə İran rəsmiləri, Türkiyənin Təbrizdəki baş konsulluğunun əməkdaşları, şəhər ictimaiyyətinin tanınmış nümayəndələri, yerli mətbuatın təmsilçiləri dəvət olunmuşlar.
Baş konsulluqdan verilən məlumata görə, mərasimdə faciənin dəhşətlərini əks etdirən sənədli film nümayiş olunacaq, kitab və fotolar sərgilənəcək, iştirakçılara Azərbaycan və fars dillərində əyani vəsaitlər paylanacaq, ehsan süfrəsi açılacaqdır. Məktəblilər 20 Yanvar şəhidlərinin əziz xatirəsinə həsr olunmuş seirlər oxuyacaqlar.
Sabir Şahtaxtı
AZƏRTAC-ın xüsusi müxbiri
Tehran
Bölmənin digər xəbərləri
