TƏHSİLİMİZİN İNKİŞAFINA DÖVLƏT QAYĞISI ARTIR
Komissiyanın sədri Şahlar Əsgərov bildirdi ki, dövlətimizin başçısı İlham Əliyevin “Azərbaycan Respublikasında “Bilik günü”nün təsis edilməsi və təhsil müəssisələrində iş rejiminin tənzimlənməsi haqqında” Fərmanı və “Azərbaycan Pespublikasında ümumtəhsil məktəblərinin informasiya və kommunikasiya texnologiyaları ilə təminatı Proqramı”nın (2005-2007-ci illər) təsdiq edilməsi haqqında” Sərəncamı təhsilimizin inkişafı üçün çox mühüm əhəmiyyəti olan sənədlərdir. Fərman və Sərəncam respublikamızın təhsil müəssisələrində təlimin keyfiyyətinin yüksəldilməsinə xidmət edən səmərəli fəaliyyət sisteminin qurulmasına, bu müəssisələrdəki mövcud iş rejiminin təkmilləşdirilməsinə, ümumtəhsil məktəblərində informasiya və kommunikasiya texnologiyalarından müasir tələblərə uyğun istifadə olunmasının təmin edilməsinə yönəldilmişdir.
Hər iki sənəd Azərbaycanda təhsilin hərtərəfli inkişaf etməsinə öz müsbət təsirini göstərəcəkdir.
İclasda bildirildi ki, bu il komissiya təhsilimizlə bağlı 7 qanun layihəsini, digər 8 məsələni müzakirə etmişdir.
Yaz sessiyası dövründə görülmüş işlər barədə hesabat dinlənildikdən sonra komissiyada 2004-cü ilin payız sessiyası üçün iş planı müzakirə edilərək təsdiq olundu.
Komissiya cari məsələləri də müzakirə etdi.
Bölmənin digər xəbərləri
