“TƏHZİBÜL-ƏXLAQ” ƏLHUDA NƏŞRİYYATINDA ÇAP OLUNMUŞDUR
İranın Beynəlxalq Əlhuda Nəşriyyatının Bakı şöbəsi XIX əsr Azərbaycan ədəbiyyatının görkəmli nümayəndələrindən biri, şair, mütəfəkkir alim Abbasqulu ağa Bakıxanovun “Təhzibül-əxlaq” əsərini latın qrafikası ilə nəfis şəkildə çap etmişdir.
Kitaba “Ön söz”ü nəşriyyatın Bakı şöbəsinin müdiri Mirzə Rəsul İsmayılzadə yazmışdır. O, AZƏRTAC-ın müxbirinə demişdir:
- Yüksək etik-əxlaqi normalardan, saf mənəviyyatdan və digər dəyərlərin əhəmiyyətindən bəhs edən həmin əsər bu gün də öz aktuallığını itirməmişdir.
Biz ilk dəfə deyil ki, A.Bakıxanovun yaradıcılığına müraciət edirik. Onun Azərbaycan tarixşünaslığının inkişafında mühüm rolu olan “Gülüstani-İrəm” əsərini ötən il çap etmişik. Biz müəllifin “Riyaz ül-Qüds” əsərini də oxuculara təqdim etməyi nəzərdə tutmuşuq.
Bölmənin digər xəbərləri
