Tərtərdə 8910 hektarda dən və yaşıl yem üçün payızlıq bitkilər səpilib
Tərtər, 8 yanvar, AZƏRTAC
Tərtər rayonunda 11 min 736,2 hektar sahədə payızlıq şum aparılıb, 2021-ci ilin məhsulu üçün 8910,2 hektar sahədə dən və yaşıl yem üçün payızlıq bitkilər səpilib.
Rayon Statistika İdarəsindən AZƏRTAC-ın bölgə müxbirinə bildiriblər ki, payızlıq səpinlərin 5285 hektarı buğda, 3505,2 hektarı dən üçün arpa, 120 hektarı yaşıl yem üçün xəsil arpadır. Bundan başqa, 2021-ci ilin məhsulu üçün 23,5 hektar sahədə baş soğan, 5 hektar sahədə sarımsaq, 2 hektar sahədə noxud, 842,5 hektar sahədə təzə yonca əkilib.
Bölmənin digər xəbərləri
