“Tesla” bir neçə ölkədə elektromobillərinin qiymətlərini endirib
Bakı, 22 aprel, AZƏRTAC
“Tesla” kompaniyası ABŞ, Çin və bir sıra digər ölkələrdə bəzi model elektromobillərin qiymətini aşağı salıb.
AZƏRTAC “MarketWatch” saytına istinadla xəbər verir ki, kompaniya ABŞ-da “Model Y” büdcəli krossoveri, “Model X” premium krossoveri və “Model S” sedanının qiymətini 2 min dollar ucuzlaşdırıb. Həmçinin sürücüyə yardım sisteminin (avtopilot) qiyməti 12 min dollardan 8 min dollara endirilib.
Çində isə “Model 3” büdcəli sedanın, həmçinin “Model Y”, “Model X” və “Model S” modellərinin qiyməti təxminən 2 min dollar aşağı salınıb. Endirimlər bəzi Avropa, Yaxın Şərq və Afrika ölkələrində də tətbiq olunub.
Qeyd edək ki, “Tesla” kompaniyasının rəhbəri İlon Mask ötən həftə Hindistana planlaşdırılan səfərini təxirə salıb. Səfərin bu ilin sonunda baş tutacağı gözlənilir. İlon Mask Hindistanda avtomobil zavodu tikmək niyyətindədir.
Bölmənin digər xəbərləri
