TEYMUR RƏCƏBOV VALEXOYA QALİB GƏLMİŞDİR
İspaniyanın Linares şəhərində keçirilən superturnirin 12-ci mərhələsində Azərbaycan şahmatçısı Teymur Rəcəbov qara fiqurlarla ispaniyalı Fransisko Valexoya qalib gəlmişdir. Azərbaycan Şahmat Federasiyasından AZƏRTAC-ın müxbirinə bildirmişlər ki, Siciliya partiyasının Çelyabinsk variantında canlı taktiki mübarizə birinci nəzarətdən sonra endşpilə keçmişdir. Hər iki rəqibin udmaq şansı olsa da, Teymur Rəcəbov vəzirsiz daha məharətlə oynamış və turnirdə ilk qələbəsini qazanmışdır.
Ənənəvi tur ərəfəsində qrossmeysterimiz və Bolqarıstan idmançısı Veselin Topalov hər biri beş xalla 4-5-ci yerləri bölüşdürürlər. Vladimir Kramnik isə 6,5 xalla irəlidədir.
Bölmənin digər xəbərləri
